An Ghaeilge:
Teanga bheo bhríomhar de chuid na hÉireann agus na hAlban
Is é fís Cholmcille “pobal bríomhar idirghníomhach Gaelach idir Éire agus Albain”. Ainmníodh an eagraíocht i ndiaidh an naoimh ón séú haois Colm Cille. Oibríonn siad mar a dtagann cainteoirí Gaeilge ó Éirinn agus Albain le chéile; agus féachann siad le hiad a thabhairt le chéile. Cuireann Colmcille tuiscint ar an Ghaeilge agus ar an chultúr Ghaelach chun cinn chomh maith: tá oifigí againn in Albain, i bPoblacht na hÉireann agus i dTuaisceart Éireann.
Scéalta >
Iomain Cholmcille
Pàirc nan Laoch, Port Rìgh, An t-Eilean Sgitheanach, 13-2-10 1.30
Beidh cluiche lánGhaeilge á imirt idir Éirinn agus Albain Dé Sathairn an 13 Feabhra san Eilean Sgitheanach. ‘Iomain Cholmcille’ atá ar an chluiche. Is focal comónta é, Iomain, in Éirinn agus Albain, ar iománaíocht/camannachd/ commons/ shinty/hurling: bhí sé ar fáil sa tseanGhaeilge, agus níl amhras gur ‘iomain’ a bhí ag Cú Chulainn cibé tír a raibh sé ag iomáin ann. Beidh ‘Cuach Cholmcille’ á thabhairt leo ag na buaiteoirí, agus ó bhain foireann na hÉireann an corn le dhá bhliain, tá foireann na hAlban ar bís leis an chorn a thabhairt leo i mbliana.
